← Ana səhifə

Məxfilik siyasəti

Qüvvəyə minmə tarixi: 22 avqust 2026

Bu sənəd Söhbətgah mobil tətbiqinin və sohbetgah.az saytının hansı məlumatları topladığını, onları nə üçün istifadə etdiyini və sizin hüquqlarınızı izah edir.

1. Məlumatlara kim cavabdehdir

Məlumatlara nəzarət edən tərəf Söhbətgah komandasıdır. Məxfiliklə bağlı istənilən sual üçün: [email protected].

2. Hesabsız istifadə

Epizodların dinlənilməsi tam anonimdir. Dinləmək, epizodları gəzmək və saytdan istifadə etmək üçün qeydiyyat tələb olunmur və biz bu zaman sizi şəxsən müəyyən edən məlumat toplamırıq.

Nəzərə alın: audio faylları birbaşa podkast platformamız Spreaker-in serverlərindən yüklənir. Bu o deməkdir ki, dinləmə zamanı Spreaker sizin IP ünvanınızı və brauzer/cihaz məlumatınızı görür və dinlənmə statistikasını özü aparır. Bu, Spreaker-in öz məxfilik siyasətinə tabedir.

3. Hesab açdıqda toplanan məlumatlar

Hesab açmaq könüllüdür. Hesabla aşağıdakılar saxlanılır:

• E-poçt ünvanı — e-poçt və parol ilə qeydiyyatdan keçdikdə və ya Apple ilə girişdə Apple tərəfindən ötürüldükdə.
• Profil məlumatları — göstərilən ad, profil şəkli və qısa məlumat, əgər özünüz doldurmusunuzsa. Bunlar məcburi deyil.
• Dil seçimi və tətbiq tənzimləmələriniz (mövzu, oxutma sürəti və s.).
• Parol — açıq şəkildə heç vaxt saxlanılmır. Yalnız argon2id alqoritmi ilə alınmış heş yazılır və geri çevrilə bilmir.
• Sessiya təhlükəsizliyi məlumatı — hər aktiv giriş üçün IP ünvanı və cihaz/brauzer məlumatı (user-agent). Bunu yalnız oğurlanmış sessiyanı aşkarlamaq və hesabınızı qorumaq üçün saxlayırıq.

Apple ilə giriş. Apple ilə daxil olduqda Apple bizə yalnız daimi identifikator və (siz gizlətməyi seçməsəniz) e-poçt ünvanınızı ötürür. E-poçtu gizlətməyi seçsəniz, Apple-ın yönləndirici ünvanını alırıq və əsl ünvanınızı görmürük.

Parolun bərpası. Parolu unutduqda e-poçtunuza birdəfəlik kod göndəririk. Bu məktubları göndərmək üçün Resend xidmətindən istifadə edirik və həmin xidmətə yalnız alıcının e-poçt ünvanı ötürülür.

4. Dəstək ödənişləri

Söhbətgahı könüllü dəstək paketləri ilə dəstəkləyə bilərsiniz. Ödənişin özü tam olaraq App Store və ya Google Play daxilində aparılır.

• Kart və ödəniş məlumatlarınızı görmürük və saxlamırıq. Onlar yalnız Apple və ya Google-da qalır.
• Dəstək statusunu idarə etmək üçün RevenueCat xidmətindən istifadə edirik. RevenueCat-ə sizin adınız və ya e-poçtunuz deyil, yalnız daxili hesab nömrəniz (təsadüfi UUID) ötürülür.
• Mağazadan gələn əməliyyat məlumatını saxlayırıq: hansı paket, başlama və bitmə tarixi, status və mağaza əməliyyat nömrəsi. Bu, sizə düşən imkanları düzgün vermək üçün lazımdır.

5. Cihazınızda saxlanan məlumatlar

Bəzi məlumatlar cihazınızdan kənara çıxmır:

• Yüklənmiş epizodlar — oflayn dinləmək üçün cihazın yaddaşında saxlanılır.
• Sevimlilər siyahısı və oxutma vəziyyəti — cihazın lokal yaddaşında.
• Giriş açarı — cihazın qorunan anbarında (iOS Keychain / Android Keystore) saxlanılır.

Tətbiqi sildikdə bu məlumatlar da cihazınızdan silinir.

6. Reklam, analitika və izləmə

Tətbiqdə heç bir reklam şəbəkəsi, analitika və ya izləmə (tracking) alət dəsti yoxdur. Davranışınızı reklam məqsədilə izləmirik və məlumatlarınızı reklam şirkətlərinə vermirik. Bu səbəbdən iOS-un "App Tracking Transparency" icazəsini də istəmirik.

Epizodların içində sponsor təqdimatları səslənir. Bu təqdimatlar audio yazının öz içindədir — onlar sizə görə fərdiləşdirilmir və heç bir məlumatınızı toplamır.

Sayt kuki (cookie) yerləşdirmir və ziyarətçi analitikası aparmır.

7. Məlumatları kimlərlə bölüşürük

Məlumatlarınızı satmırıq. Yalnız xidmətin işləməsi üçün zəruri olan tərəflərlə bölüşürük:

• Apple / Google — ödənişlərin aparılması və mağaza xidmətləri.
• RevenueCat — dəstək statusunun idarə olunması (yalnız hesab nömrəsi).
• Spreaker — audio faylların yayımlanması.
• Resend — parol bərpası kimi xidməti məktubların göndərilməsi.
• Cloudflare — saytın təhlükəsizliyi və sürəti.

Bundan əlavə, qanunvericiliyin tələb etdiyi hallarda səlahiyyətli orqanların əsaslandırılmış sorğusuna cavab verə bilərik.

8. Məlumatlar nə qədər saxlanılır

• Hesab məlumatları — hesabınız aktiv olduğu müddətdə.
• Sessiya məlumatı (IP, cihaz) — sessiya bitənə və ya çıxış edənə qədər; ən çoxu 60 gün.
• Ödəniş və dəstək qeydləri — mühasibat və qanunvericilik tələbləri səbəbindən hesab silindikdən sonra da müəyyən müddət saxlanıla bilər.
• Server jurnalları — qısa müddətli; içindəki parol və açarlar avtomatik gizlədilir.

9. Hüquqlarınız

Sizə aid məlumatlara baxmaq, onları düzəltmək və ya tamamilə silmək hüququnuz var. Bunun üçün hesabınızın e-poçt ünvanından [email protected] ünvanına yazın.

Hesab silindikdə e-poçt, ad, profil şəkli və digər şəxsi sahələr silinir, bütün aktiv sessiyalar dayandırılır. Ödəniş qeydləri yuxarıda göstərildiyi kimi qanuni müddət ərzində saxlanıla bilər.

10. Uşaqlar

Söhbətgah 13 yaşdan kiçik uşaqlara ünvanlanmayıb və biz bilərəkdən onlardan şəxsi məlumat toplamırıq. Belə bir məlumatın toplandığını aşkar etsək, silirik.

11. Təhlükəsizlik

Bütün əlaqə şifrələnmiş kanal (HTTPS) üzərindən aparılır. Parollar geri çevrilə bilməyən şəkildə saxlanılır, giriş açarları müntəzəm yenilənir və şübhəli istifadə aşkarlandıqda bütün sessiyalar dayandırılır. Bununla belə, internetdə heç bir sistem mütləq təhlükəsiz deyil və biz mütləq təhlükəsizliyə zəmanət verə bilmərik.

12. Dəyişikliklər

Bu siyasəti vaxtaşırı yeniləyə bilərik. Yeniləmə olduqda yuxarıdakı tarix dəyişir; əhəmiyyətli dəyişikliklər barədə tətbiqdə və ya e-poçtla məlumat veririk.

13. Əlaqə

[email protected]